DPP tesem ajak nung tentetyonga aotsü

Dimapur, June 08 (TYO) : Nagaland nung tawa tentetba Democratic Progressive Party (DPP) ya linük nung yimten telok ka ama register asütsü asoshi May 25 nü to Election Commission of India nem nüngdakba kakettem ajak agütsüogo, ta DPP tir Wb.Chingwang Konyaki metetdaktsüogo.
Iba telok tasenba ya Nagaland tesem ajaklen tenteta aotsü atema Central Executive Board ajanga inyakdagi, anungji iba mapa ya jungjunga matem tashi nübortemi DPP tenüng nung senden malitsüla, ta paisa metetdaktsü.
DPP tenzüker külen iba telok nung adentsü asoshi nübortem tejangraba kanga lir aser iba telok nung adentsü asoshi shirnokisa pei lima aser nübortem jenjang ajungkettsüner aser shitakba yimjung asoshi inyakner, parnok ajak adentsü koka lir ta DPP tir-isa metetdaktsü.