DPRO Dimapur pur Khristmas jeli sentong agi

Dimapur, December 9 (TYO) : December 8, 2016 nü District Public Relations Office Dimapur nung mapa inyakertem Khristmas jeli sentong ayongzüka agi.
Sentong nung DPRO Dimapur, Lolano Patton-i o jembidang, Tsüngremi meimchir nem Christmas sempet tulutiba agütsübaji par ajaso chir Yisu Khrista agütsüba lir, ta ashi.
Tsüngremi par jabaso asenok nem agütsü anungji asenoki Tsüngrem temeim angatettsüla aser Pai aginüba ama asen taküm alitsü merangtsüla, ta Lolano-i ayongzük.
“Asenok mulungjang nung kibong, medemer, kidanger, adianutem asoshi takdang balala lir. Ajisüaka, Yisu asoshia asen mulungjang njung takdang balaka yuja ali asü mali?” ta laisa asüngdang.
Laisa, taküm Khristmas nung pei pei mulungjang nung Yisu anioktsü aser ibaji ajanga Khristmas khenyongi balaka amungtsü ayongzük.
Sentong nung mendenji Kopotso liasü, Miss Mary-i lai azüng aser Asemo-i temoatsü meshia sarasadem.