DPRO Tuensang den tepila sentong agi

Dimapur, Metsüremi/March 15 (TYO): DPRO Tuensang Meyisusu Jamir den tepila sentong March 15 nü DPRO Office, Tuensang nung agiogo.

Sentong nung o jembiba mapang Jamir-i, Tuensang district nung DPRO ama inyaktsü atema maongka anguba atema pelaba lemsatep. Paisa, pa indang tenure mapa kechisa ajangzükogo, iba ya staff temi teka amteper inyakba aser nongita yariba ajanga lir, ta ashi. Paisa staff tem dang district ajangzüktsü atema maneni meranga mapa tajung inyaktsü ajungshia liasü.

Sentong nung Photographer Kejong-i sarasadem aser Sr. Head Assistant Kushem-i tepila o jembia liasü. Iba sentong ya Information Assistance, Chingmak lenisüba nung agia liasü.