DPS Dimapur-i maneni konang bener aru

Dimapur, April 13 (TYO): ASSET Talent Search ya kaketshirtem dak sempet balala bushiteta parnok den tepela lemsateptsü nükjidong nung tenzük. Iba sentong ajanga item sempet aketer kaketshirtem nem parnok sempet sayutsü asoshi sabang agütsür aser tarutsü asoshi item sempettem tajungba küma arangshitsür.
Delhi Public School (DPS) Dimapur nungi kaketshir asem-i ASSET Talent Search Exam final asoshi jenjang nguteta lir. Class VII nung azünger, Ms. Viboli Chishi-i ‘medal’ ka aser ‘certificate of Merit’ ngutetogo aser ibaji ajanga la ya “League of ASSET Talent Scholars” nung densemogo.
Class VII nung azünger Kavieo Sono aser Elena Kamei nati ‘commendation certificate of participation’ nguogo. Tawa tembangba ASSET Talent Search 2016-17 sentong nung ya India aser UAE linük nungi kaketshir 10,000 dak temai shilem agi.
Kaketshirtem dak aliba sempettem ajiteta, kaket shisatsü kisüng masü saka DPS Dimapur-i achaayanga sentong balala nung shilem agidaktsüba ajanga kaketshirtem jangrabangra inyakdaktsütsü asoshi state nung kisüng masü saka national level tashi nung shilem agitsü maongka agütsür.