DPS nung Theatre Workshop agi

Dimapur, Mongputeni/October 15 (TYO): DPS Dimapur nung kaketshirtem atema October 10 nungi tenzüka 14 nü tashi theatre workshop ka ayongzüka katsüogo. Iba workshop ya Sattyakee D’Com Bhuyan-i agitsü. Pa ya India Today Youth Icon 2010 lir aser nüngtugu theatre artist aser director lir, shiba North East nung English sayatem direct asüba director tem rongnung tanobusang lir aser iba ajanga pa kanga nüngtugu kümogo.
Workshop nung Acting, Body Movements, Stage Dynamics, Expression, Observational Skills, confidence gaining sessions amala lenla balala nung tangazükba agütsüba den kaketshirtem iba wadang nung ajemoka shilem agitsü ajungmesoa liasü.