Dr. Abdul nüngtem nung missile complex tenüng jatsür

New Delhi, October 14 (Agencies) : Asür Tir Abdul Kalam nem tetushi agüja sorkari Hyderabad nung aliba missile complex dang ‘Dr APJ Abdul Kalam Missile Complex’ ta ajatsü telemtetba agiogo.
October 16, 2015 nü Abdul Kalam sor küm 84 ajungba anogomung nung Defence Minister Manohar Parrikar-i Research Centre Imarat nung ‘Missile Complex’ tenüng melenba sentong nung adentsü.
‘Missile Man’ ta ajasang Kalam 1982 küm iba missile complex nung mapa inyaktsü tenzük aser idakji pai küm 20 jungnüa inyak.
Asüng, DRDO Bhavan, New Delhi nunga Dr. Abdul Kalam tasoba anogo amungtsü aser iba sentong nung Prime Minister Narendra Modi adentsü.
Iba sentong nung Prime Minister-i Dr. Kalam indang kürakyanglu ka sayatsütsü aser “A Celebration of Dr. Kalam’s Life” ta ser photo exhibition ka nung adentsü.
‘People’s President’ ta kanga nüngtugu süa ajaba Dr. Kalam, taküm July 27 nü Meghlaya nung ajungbena temulungjang timtem adoka alima nungi pila.