Dr. Benjongliba-i Conference of Agriculture Ministers nung shilem agi

Dr. Benjongliba-i Conference of Agriculture Ministers nung shilem agi

Gangtok nung Conference of Agriculture Ministers nung Dr. Benjongliba Aier-i o jembidang agiba noksa ka angur.

Dimapur, January 22 (TYO) : January 17-19, 2016 tashi Sikkim yimtiba Gangtok nung anogo asemnü Conference of Agriculture Ministers ayongzüka agi aser iba sentong nung Nagaland state tenüng nungi Agriculture Parliamentary Secretary aser NSAMB Chairman, Dr. Benjongliba Aier aser Agriculture Director, Thungjamo Lotha na aden.
January 17 nü Union Minister of Agriculture & Farmers Welfare, Radha Mohan Singh-i iba mungdang lapoktsü aser iba sentong nung Sikkim chief minister, Union Minister of State for Agriculture, agricultural scientists aser ketdangser aika aden.
January 17 nü Technical Session agidang Dr. Benjongliba Aier menden liasü aser iba sentong nung India kübok state ajak nungi Agriculture Minister tem, Ministry of Agriculture, ICAR, APEDA, NHB aser tanga telok aser reju balala nungi teshimtet nisungtemi shilem agi.
January 18, 2016 nü Prime Minister Narendra Modi-i Ridge park, Gangtok nung Orchid Exhibitions lapoktsü aser iba sülen Chintan Bhawan nung General Conference liasü.
January 19, nü PM Modi-isa Sarama garden nung Organic Agriculture Festival lapoktsü aser mungdang nung adenertemi Sikkim nung organic fields kar sema senzü.

You must be logged in to post a comment Login