Mokokchung, May 10 (TYO): May 06, 2017 nü CAWD & Taxes Parliamentary Secretary, Dr. Benjongliba Aier-i Tzurangkong Range kübok Chungtiayimsen nung taküm May 30 nungi tenzüka June 1, 2017 tashi amungtsü aliba NSF Mungdang ki semdangogo.
Dr. Aier-isa tang teinyakdak mapa balala indang Tzurangkong kübok yim 8 nungi Village Council züngsemtem den jembia liasü.
Tang teinyakdak mapatem ajanga pa kanga melungsüa liasü, aser pai züngsemtem dang, NSF mungdang takok ngua katettsü atema maneni kanga meranga inyaktsü mepishia metetdaktsü.
Mungdang ki semdangba sülen pai Council züngsemtem aser kaketshir lenirtemi parnoki ajangshiba timtem onük balala metetdaktsüba sülen mungdang takok ngua katettsü atema mera tajungkar agi.
Iba sülen Dr. Benjongliba Aier-i Boarder Magistrate, Tzurangkong aser tanga ketdangsertem den külemi Merangmen Headquarters semdanga onük balala nung o lemtepa liasü.
Dr. Benjongliba-i NSF Mungdang ki teyangludak semdang added by nungsang on
View all posts by nungsang →
You must be logged in to post a comment Login