DR Congo nung kiranglongrari nisung 45 tepset

Kinshasa, August 14 (Agencies) : Kiralongrartemi Democratic Republic of Congo, North Kivu province amakdang tajemba agi nisung 45 asü, ta Deobarnü ketdangser kati ashi.
Item kiralongrartem yagi Honibarnü Rwangoma yim amak, ta ketdangser jagi ashiba Xinhua news agency osang ajanga metetdaktsü.
Democratic Republic of Congo Tir, Joseph Kabila-i, iba lendong ya kiralongra mapa lir, ta ashi.
“Mali, France, Somalia aser alima tesem balala amakba aser tan amakba na kecha tebendang mali,” ta Kabila-i ashi.
Nisung taküm lalutsüba lendong ya Ugandan nungi adokba Allied Democratic Forces telungpur mapa lir, ta kasa ketdangser jagi ashi.
Item telungpur kanga bulua aliba, North Kivu tesem nung sepaitemi tang kanga sashia mita odar.