Dr Imtiwabang Aier-i SGHSS nung science block yangluba reprangdang

Dimapur, October 16 (TYO) : Brihostibarnü Geology & Mining Parliamentary Secretary, Dr Imtiwabang Aier-i Ungma nung Senayangba Government Higher Secondary School (SGHSS) science block building yangludak semdang.
Iba mapatong ya Ministry of Development of North Eastern Region (DONER) ajanga teyari agütsür aser Saramati Construction-i inyaker.
Iba mapang Saramati Construction kibur K Bendangtoshi-i Dr Imtiwabang dang, mapa noklang nung shilem 75 shi tembangogo aser tang joko painting aser electrifications mapa dang anünga lir, ta ashi.
Tang yangluba Science block ajanga kaketshirtem shisaluyimba nung tajangzük tulu angutsü, ta Dr. Imtiwabang-i metetdaktsü.
K Bendangtoshi-isa Education Department Engineering Wing, Executive Engineering Akho aser SDO nungertemi iba mapatong nung yaritepba atema pelaba metetdaktsü.
SGHSS Science block mapatong ya August 2014 nung tenzük aser July 2017 tom ka tashi nung tembangtsü imlar.
Senayangba Government Higher Secondary School nung Arts aser Science stream naprongla lir aser higher secondary kaketshir 400 shi ka tezüngdak lir.