Dr Jitendra-i NE nung GST tenzükba atema tenüngsang agütsü

July 05, 2017 nü New Delhi nung Nagaland Roads & Bridges Minister, Y. Vikheho Swu-i Minister of State for Development of North Eastern Region (I/C), Prime Minister’s Office, Personnel, Public Grievances & Pensions, Atomic Energy & Space, Dr. Jitendra Singh den ajurutepdang agiba noksa ka angur.

New Delhi, July 5 (Agencies): North-East State ajak nung GST takok ngua tenzükba atema Union Minister of State (Independent Charge) for Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, Dr Jitendra Singh-i tenüngsang agütsü.
GST inyakyim tenzükba nungi tenzükba tashi nung North East state ajaki yaritepa aru. Yimten telok balala aliba state sorkar 8 den trade teloktemi mapang shia, pei tebilembatem bener arua lemsatep aser tangatetba tajung nung telangzübatem meshi. Iba ajanga northeast nung GST takok ngua tenzüktetogo, ta Jitendra-isa ashi.
Nagaland Roads & Bridges Minister aser GST Council nung designate, Y. Vikheho Swu den ajurutepda sensaksemdang, Dr. Jitendra-isa Nagaland nem tenüngsang agütsü.
“India kübok state tem rongnung, bendanger linük aika den arrtsüa aliba state ji Nagaland lir aser tekong-tenem aliba, connectivity tajung maliba, transport sadema meliaka, Nagaland nung GST tenzükba atema kanga pelar” ta Union Minister-isa shisem.
Senden nung Vikheho Swu-i June 30 aser July 1 ayaterm nung GST tenzükba sülen state nung iba dak sendakba mapa inyakba indang osang metetdaktsü.
Paisa, Dr Jitendra Singh dang GST indang mapa ketdangsüa reprangba All India Services ketdangsertem tang asoshi parnok mapa mebeleni atatsü mepishia metetdaktsü.
Tarutsü anogotem nung GST ya Northeast atema temoatsü ka asütsü, kechiyong iba ajanga northeast state temi India nung tejaklen aliba state tem den liromedemtettsü, ta Dr Jitendra Singh-isa ashi.