Dr Kalam nüngtem nung Madras HC minute 15 tali mapa inyaktsü

Chennai, August 04 (Agencies): Hombar nü Madras High Court-i sangdong ka ajanga, taoba Tir APJ Abdul Kalam nem akhüm agütsüba temaitsü hopta ka parnok anogo shia minute 15 talila mapa inyaktsü, ta metetdaktsü.
Hombar aonung High Court-i ayongzüka Dr. Kalam asüba asüko senden ka agidang Chief Justice Sanjay Kishan Kaul-i iba sangdongji agüja liasü.
Dr Kalam bilemteta Mongolbar nungi Hokolbar nü tashi nikongdang 5:00 ako tashi High Court mapa inyaktsü.
Kalam ya Muslim kibong ka nungi aso, Hindu nunger den külemi intet aser Shillong nung aliba Khristan hospital ka nung asü, ta iba sentong nung Justice Kaul-i ashi.
Dr. Kalam ya kanga mazüngi aliba nisung ka süaka pai kaket zülutsü aser lanurtem nem mapang agütsü asoshibo mapang peria angu, ta paisa shisem.