Dr Khriezovolie aser Seyiekhrielie na tanaben BJP nung aniok

Dimapur, Mongputeni (October) 23 (TYO): Party anema inyakba nung ajemdaker Dr Khriezovolie Kesiyie aser Seyiekhrielie Nagi na party nung anenja aliba BJP State President Temjen Imna Along-i tena tanaben agizükogo.
Bharatiya Janata Party(BJP) indang disciplinary committee-i ashiba nung ajemdaker taoba BJP State President Visasolie Lhoungu-i October 21, 2017 nü Dr Khriezovolie Kesiyie aser Seyiekhrielie Nagi na party nungi anentsü.
Iba ken o arokaroka bushisüngdang asüba nung tena party nungi anentsübaji pa (Visasolie Lhoungu) nija tangatetba nung aser party lennir ana tenüng menüktsütsü atema inyakba liasü ta bushitet. Anungji, State President Temjen Imna Along-i October 18, 2018 nü tena tanaben party nung aniokogo, ta Media Cell BJP Nagaland sangdong ka nung metetdaktsü.
State President Imna-isa Kohima District President inyaktsü atema Seyiekhrielie Nagi, Peren District President inyaktsü atema Hiachanglak aser Mangkolemba (Org.) District President inyaktsü atema I. Aliba nungertem shim aser parnok ajak October 23, 2018 nungi pei pei mapa agizüka inyaktsü, ta Media Cell-isa metetdaktsü.