Dr. M.M.Thromwa Konyak-i tatok meshi

Dimapur, Rongchii/April 1 (TYO): Taruba Lok Sabha election nung tokteptsü aliba Independent candidate, Dr. M.M. Thromwa Konyak-i Commissioner & Returning Officer, Nagaland, M. Patton dang tatok meshiogo. Model Code of Conduct nung aibelenba atema RO-i pa nem show cause notice ka agütsüba sülen pai tatok meshiogo.
Pa telangzüba nung Thromwa-i tanaben aibelen masütsü nangzükba den elections kecha tetsükdaktsü makai katettsü atema Model Code of Conduct inyakyim nung tashi angaa anidaktsü nangzükogo.
Maneni iba ken o dak sendakba nung jenjang tapet agitsü atema Commissioner & RO-i iba shidi ya Chief Electoral Officer, Nagaland nem agütsüogo, ta ketdangser sangdong ka ajanga metetdaktsü.