Dr. Neiphrezo aser Rio nati Rudy den ajurutep

New Delhi, August 5 (Agencies): Honibarnü Delhi nung Union Ministry of State (I/C), Skill Development & Entrepreneurship Rajiv Pratap Rudy-i Nagaland nungi Labour & Employment (Skill Development densema) Parliamentary Secretary, Dr. Neiphrezo Kiditsu aser MP Neiphiu Rio na den ajurutep.
Taoba ita Rajiv Pratap Rudy-i Nagaland Angh P.B Acharya den ajurutepba sülen tanü Rudy-i Dr. Neiphrezo aser Neiphiu Rio na den ajurutepa senden amen.
Tanü amenba senden nung Nagaland nung “Enhancing Skill Development Infrastructure in NE States & Sikkim” aser skill development mission kübok tanga scheme tem inyakba osang lemsatep.
Rudy aser Dr Keditsu na August 8 nü ano ajurutepa tanga skill project tem indang onük lemsateptsü. Nagaland nungi minister tem den mapangshia ajurutepa senden amener aser iba ya North East region nung skilling maparen tajungba kümdaktsütsü aser lanurtem ajangzükdaktsütsü atema lir.
“Nagaland nung lanurtem dak sempet aliba onoki ajitetogo aser parnok dak entrepreneurial skills tajung lir. Linük nung iba ama lanurtem sector balala nung kanga nüngdaker. Onoki Nagaland sorkar den yaritepa lanurtem atema mapa inyaktsü. Dr. Neiphrezo Kiditsu aser Neiphiu Rio nati tatemzükba kecha melii nungitba atema onoki tena dang pelar aser iba ajanga state nung skill development aser entrepreneurship ajungkettsü atema ITIs aika lapoktsü” ta Rudy-i ashi.
Rudy-i tawa tu pai ITI ana up-gradation plan kübok aser pungu Supplementing Deficient Infrastructure kübok repranger ta metetdaktsüogo. Item ITIs asoshi sen lakh 1149.47 tashi lemzüktsüogo ta paisa shisem.
ITI tasen ana Dimapur aser Peren nung lapoktsü aser iba atema sen lakh 788.50 agütsüogo, ta paisa ashi.
Nagaland kübok Longleng aser Kiphire district-tem nung ITI ka danga mali aser iba jagi Nagaland nung ITI tasen lapoktsüba reprangshima 4 kümogo. Tanga ITI tem lapoktsü atema par ministry-i mapa inyaktsü, ta Rudy-isa ashi.
“Enhancing Skill Development Infrastructure in NE States & Sikkim” scheme ya February 2010 nung sen crore 57.39 endoka inyaktsü sentong atong.
Iba mapang lapoka aliba ITIs 20 up-gradation (3 new trades per ITI) aser 28 Supplementing Deficient Infrastructure (Construction of new hostel, boundary wall and supplementing old and obsolete tools and equipment of 3 trades in each ITIs) atema benoka liasü.
2014 küm “Establishment of 14 new ITIs” tenzük aser iba ya ITI ka nung sen crore 6.22 endoktsü lemtet aser 2015 küm it is 22 tasen lapoktsü reprangshi aser ITI ka nung sen crore 9.50 agütsütsü lemtet.