Dr. Ngangshi-i Anentzübo Mepu Salang lapoktsüogo

Mokokchung, October 16 (TYO): Dr. Ngangshi K. Ao, MLA, ajanga October 16, 2019 anogo Mokokchung yim tawabangba kübok Anentzübo Mepu Salang lapoktsü.
Tongti tesemdanger Dr. Ngangshi-i Salang lapoktsüba sentong nung jembidang Anentzübo Mepu ya pei li aser pei yim ama bilemtsü ayongzükba den Mokokchung yim yimsüsürtem den teka amtepa aser aküm agütsütepa alitsü; asüküm jakla nungi pilatsü saka Tsüngrem tsübua, ajemalua libaliroteptsü ajungshi. Paisa, “Anentzübo Salang ya temoatsü Salang ka kümdakjang,” ta temoatsü jazüktsü.
Sentong nungsa Mokokchung Village Council Chairman, Sector trok sanger Chairman, Süngkomen Ward Chairman aser Ex-Chairman, Anentzübo nungi tajungshi aser tepela O jembia liasü.
Mokokchung yim tawabangba kübok Anentzübo Mepu ya 2005 August ita tenzükba (Established) lir.
Anentzübo Mepu Salang ya sen lakhs 18 shi amshia yangluba lir ta Construction Committee report ajanga metetdaktsü.