Dr. Nicky-i school building semzüktsü

Government Primary School, CWSN Lerie building tasen semzüktsüba sentong nung Road & Bridges Minister, Dr. Nicky den tangartem tangokba noksa nung angur.

Kohima, October 04 (TYO): Bodhbarnü Minister for roads & bridges, Dr. Neikiesalie (Nicky) Kire-i GPS CWSN Lerie indang school building semzüktsü.
Iba sentong nung jembidang Dr. Kire-i tesayurtem dang ano taliba nendaka inyaktsü aser tanurtem nem shisaliok tajungtiba agütsütsü ayongzüka liasü.
Paisa sentong balala ayongzüka tanurtem indang sempet sayatsü atema maongka agütsütsü ajungshi.
Kasa sentong nung Kohima DEO, Kevingulie Kuotsu-ia SSA indang mapatongtem metetdakja liasü.
Pai ashiba agi, iba school building yanglutsü atema SSA-i senotsü lemzüktsü aser tanga facility sen lakh 27 shi jenjang agütsü, iba den külemi nüburtemia sen lakh 6 dak tema aser nüngdakba osettem tenla agüja liasü.
Iba sentong ya Lilavati Kevini leniba nung agi aser SMC chairman, Dr. Ilang-i tepela anküp o jembia liasü.

Dr. Nicky-i school building semzüktsü added by nungsang on October 4, 2017
View all posts by nungsang →