Dr. Nosezol züka merenshiba CPO-i aitsü

Dimapur, Rongchii/April 4 (TYO): April 3 nü aonung 11:30 ako meta Dimapur nung Special Task Force-i Dr. Nosezol (Dr. Sezo) dak kanga mejungi azükba osang angazüka Chakhroma Public Organization (CPO) kanga aoksaba sangdong ka ajanga metetdaktsüogo. Pa COVID-19 dak sendakba nung maparen balala inyaker meyipa aruba mapang iba timtem ajurua liasü.
Covid-19 nokdangtsü asoshi medical nung inyakertem kanga meranga inyaktepba mapang ka nung iba amala nüngdak makaba tetsükdaktsü adokba ya tia maka ulura. Police tem inyakyim aitsütsü tetemsü aser CPO-i iba inyakyim kho khoa aitsür.
Dr. Sezo den CPO dena lir aser ketdangsertem dang aibelena alirtem temzüng ozüng dak ajemdaker takaratiba nung merenshitsü akhanger. Maneni pa temang takaratiba nung tajungba akümtsü sarasadema adar, ta CPO tir Vichütuolie Mere-i sangdong ka ajanga metetdaktsü.