Dr. Shürhozelie-i France nung tasür nem tetushi agütsü

Kohima, May 31(TYO): Nagaland Chief Minister, Dr. Shürhozelie Liezietsu-i Bodbarnü Neuve Chapelle, France nung aliba Indian Memorial nung narojung ka yuja tetushi agütsü.
Iba memorial ya World War-I mapang France nung Indian Army aser Labour Corps nungi tasürtem nem tetushi agütsüba lir aser Naga Labour Corps indang tenüngtema lir, ta CMO sangdong ka nung metetdaktsü.
Naga labour corps atema 2017 küm ya kanga tongtipang lir kechiyong Naga Labour Corps-i World War I rara nung shilem agiba sülen küm 100 abensar.
Dr. Shürhozelie-isa Ayette nung Indian cemetery semdang aser idakji Naga Labour Corps ajak tenüng nung Shikhu indang leper nung naro yuja tetushi agütsü.