Dr Shurhozelie-i Mongmong salem metetdaktsür

Dimapur, September 1 (TYO): Naga People’s Front, Central Headquarters Tir aser MLA, Dr Shurhozelie Liezietsu-i party tenüng nung Sangtam Naga nunger den Mongmong benjungmung salem metetdaktsü.
Sangtam nunger Mongmong benjung ajanga külemi aliba tatishitsü sayur aser iba benjung nung chiyungtsü lemsateper, yimtsüng temeket merükmejur, süngdongtem atemer aser tashidak den temenen meindoktsü atema süngo tou ayur.
Iba benjungmung ajanga kin aser telok balala tsüngda tesentaktep akangshitsü, linük ajungalen merükmejuba nung shilem agitsü tangatetba agütsütsü imlar. Tangatetba shitak nung Mongmong benjung ama sobaliba yimyatem benshiba ajanga Naga nunger tera nungi longjemdaktsütsü. Mongmong 2017 ajanga Naga nunger tesentaktep yanglushiba benjung ka südakjang ta moatsür, ta Media & Press Bureau sangdong ka nung ashi.