Dr. Shurhozelie pusemertemi Nagaland Angh nem tezüluba agütsü

Kohima, February 17 (TYO): Dr. Shurhozelie Liezietsu nem Nagaland chief minister inyakdaktsütsü nungitertemi tanü Nagaland Angh, P.B. Acharya nem tezüluba ka agütsüogo, ta osang angazüker.
Ajisüaka, tang P.B. Acharya New Delhi nung oa aliba ajanga tezülubaji Raj Bhavan office ket nung agütsü ta osang ajangasa shisem.
Dr. Liezietsu pusema nungitba MLA temi tanü Chief Minister T.R. Zeliang den majuruteptet kechiyong pa-a Delhi nung oa lir.
Asüng, Angh aser Chief Minister na Delhi nungi Kohima-i meyipa aruba sülen MLA temi tenati den ajuruteptsü ta osang ajangasa shisem.
Ano, angazükba agi, Chief Minister-i tanü nikongtsütsü Union home minister, Rajnath Singh den ajurutep. Ajisüaka, iba osang zülu tashi nung tena tsüngda kechi onüksa jembi’arr ibajibo mangazüki liasü.