Dr. T Ao Award dak sendakba nung Rio-i telangzüba agütsü

Dimapur, Rongjui/September 20 (TYO): Dr. T. Ao Award agütsütsü asoshi criteria dak sendakba nung MLA Khriehu Liezietsu-i ashishiba Chief Minister, Neiphiu Rio-i telangzüba agütsüogo. Pai ashiba agi, Nagaland State Sports policy dak ajemdaker Dr. T. Ao Sports Award ya jenjang pezü: coaches, sports, administration, state sports institutions aser Athletes nem agütsür. Tejak repranga award agütsü ta nisung aikati aitsüba dak sendakba nung Rio-i ashiba agi, nisung aikati osang kakettem nung award ya nisung jak repranga agütsü ta taitsüba adoktsüogo saka formal complaint kecha magütsü anungji Department-i iba osang mejangjashitsü. Iba olen ya pai 13buba Nagaland Legislative Assembly tanabuba session nung Rongjui/Sept. 20 nü ashi.
Paisa Project Director of Music Task Force shimba yimya dak sendakba nung telangzüba agütsü. Pai ashiba agi, PDMTF shimtsü asoshi process/criteria ya P&AR Department-i latetja aliba dak ajemdaker inyaker.
Maneni Rio-isa, KHELO India central scheme ka ama financial year 2016-2017 atema agizükba sülen scheme kecha sanction masü, ta ashi.