Drake-i JLo nem US sen 100,000 indang azük ka alitsü

January 13, 2017: Ita ka ajakdang ang rap kentener, Drake aser Jennifer Lopez nati tena meimtepba sangdonga liasü, ajisüaka Draake-i la nem US sen 100,000 jenjang diamond azük ka alitsüogo.
Arishi küm 30 Canada nunger rapper, platinum aser diamond Tiffany Victoria azük ka la nem alitsü, ta osang ka ajanga metetdaktsü.
December 31, 2016 nü Lopez-i diamond 17 inoka yangluba azükji azüker tangokba noksa ka Instagram nung lemsatepa liasü.
Draake aser Jeniffer na meimteper, ta mezüng osang temai adokba sülen mapang tatsüka tsüngda Hakkasan Las Vegas nightclub nung arishi küm 47 Lopez, Drake indang NYE show nung dena liasü.
Iba jakdangji tenati tena külemi tangokba noksa ka Instagram nung lemsatepa liasü, ko,ba ajanga nisung aikati teas senteper music yanglutsü ta bilem.
“Jennifer aser Drake na kanga pelaa alir ama reprangteter. Tena tesentaktepji komaka’ar medemertemi memetet,” ta osang ka ajanga ashi.
“Jen aser Drake na ajuruteper aser pai lar ki-a semdangogo. Lai Drake ajungba indang ang jembir,” ta kasa osang ajanga ashi.
Drake-i taoba mapangtem nunga pai meimertem aser pai arishirtem atema mesasai jenti intoker, ajioda lai JLopez nema sen aika jenjang azük alitsü.