DRBC puri 7-A-Side Football asayamung ayonger

Dimapur, Aami (June) 12 (Agencies): Dimapur Rongmei Baptist Church, K. Sachu Colony puri “Healthy Youth; healthy Nagaland” omen nung ajemdaker Chiteni (July) 9 nü nungi 13 tashi Rio colony, Rio ground nung 7-A-Side Football asayamung ka ayonger.
Iba asayamung akokernem senpet sen 20,000 aser tanabuba jenjang nung takok angurnem senpet sen 10,000 agütsütsü.
Lanurtem temang anema alitsü asoshi temulung agüja inyaktsü atema ajungshitsü asoshi Arogoi iba asayamung ya ayonger. Laishiba nung asenok temang koda tongtibang iba indang shia lir aser asen tema ya Tsüngerm’er tenlaki ka lir ta shia aliba angutsü.Asen temang anema toktsübaji Tsüngremer tenlaki anema toktsüba den saku lir. Minisrty nung shilem ka ama iba asayamung mapang Arogoi lanurtem Tsüngrem sentsüwanghi asoshi alitsü atema shi tanüla aser mulungsentsü saksalema alitsü asoshi ajungshitsü.
Football asayartem, club aser tejangrartem ajak team aser asayamung nung shilem agitsü asoshi asayamung aongertemi jaokogo. Team shia nung asayar ter alitsüla. Asayamung nung shilem agitsü atema entry fee sen 1500 asütsü, ta ketdangsertemi metetdaktsü.
Osang tejangja atema item number: 7085962809 aser 8787772827 nung tongteprateptsü asoshi asayamung ayongertemi metetdaktsü.