DRC-i tepuokdak puoka ayur nisung 110 chiok

Kinshasa, September 10 (Agencies): Democratic Republic of Congo (DRC) sorkari yimtenren ken o nung ajemdaker par tepuokdak puoka ayur nisung 110 tashi chiokba osang ka par justice minister-i yashi, Hokolbar nü sangoktsüogo.
DRC yimtiba, Kinshasa nung amentsü ayongba yimjung senden nung shilem agiba jakdang sorkari tepuokdak puoka ayur nisungtem chioktsü takhangba sorkar anemertemi benok aser par takhangbaji agizüka, DRC sorkari tan par tepuokdak puoka ayur nisungtemji chioker lir.
DRC sorkari taoba hopta democracy pusemer nübur temeten asoshi nokdaker nisung 8 aser ken o balala nung ajemdaker tepuokdak puoka ayur nisung 170 tashi chiokba osang jangjaogo.