DRDO nung mezüngbuba tetsür Director General shimogo

Bengaluru, September 9 (Agencies) : Bodbarnü Defence Research and Development Organisation (DRDO) nung mezüngbuba tetsür Director General shimogo aser laji J Manjula lir.

J Manjula-i Director General, Electronics & Communication Systems mapa inyaktsü aser lai scientist & Director General Dr K D Nayak nungi iba mapa melenzüker.

Dr K D Nayak-i Director General Electronic & Communication Systems indang Additional charge bena liasü, ta DRDO-i metetdaktsü.

DRDO nung Manjula ya mezüngbuba Director General lir. July 2014 nngi lai Defence Avionics Research Establishment (DARE) nung Director ama inyaka aru.

Manjula ya Osmania University nung azüng aser electronics & communications engineer ka lir.

Küm 26 den timba lai Defence Electronics Research Laboratory, Hyderabad nung Integrated Electronic Warfare mapa inyaka aruogo, ta DRDO-isa metetdaktsü.

Manjula-i fast signal acquisition receivers, high power RF systems, responsive jammers, controller software amala purapiteta yanglu aser itemji Army, Navy, Air Force aser Paramilitary nung amshir, ta parnokisa metetdaktsü.

Manjula-i DRDO indang ‘Performance Excellence’ aser ‘Scientist of the Year 2011’ sempettem agizükogo.