Drew Barrymore aser Timothy Olyphant na comedy film ka nung shilem agitsü

March 19, 2016 : Netflix-i comedy film ka yanglutsü telemtetba agiogo aser iba comedy tarensen nungji actors Drew Barrymore aser Timothy Olyphant naprongi shilem agitsü.
Iba comedy film tenüngji ‘Santa Clarita Diet’ ta ajatsü. Film otsü Victor Fresco-i yanglu aser iba film ya camera ka dang amshia tangoktsü, ta variety.com ajanga metetdaktsüogo.
“Santa Clarita Diet” nung Olyphant-i Joel ama aser Barrymore-i Sheila ama shilem agitsü. Otsü nung tena real estate agent inyaker apuanina amai adoktsü. Tena Santa Clarita, Los Angeles nung alir aser kanga jangra metemi alir, ajisüaka Sheila dak temelenshika adokba ajanga tena lendong aser tasüba lenmangi aier aser ibaji ajanga tena taküm asoshi lenmang tajung ka lapoker.
“Iba otsü nung kanga dang sempet aketer Timothy aser Drew na külemi shilem agitsü,” ta Fresco-i sangdong ka ajanga metetdaktsü.
Netflix nungi Cindy Holland-i, “Timothy Olyphant aser Drew Barrymore nati iba otsü nung shilem agiba ajanga comedy tali ajungtsü aser alima nung nüburtem aoksatsü,” ta ashi.
Santa Clarita Diet comedy tarensen ya 2017 küm Netflix nung sayatsü sentong lir.