Drew Barrymore tanur arur külen tagitsü ita kümogo

August 16, 2015: Drew Barrymore ya lar tanur ita ana tain, jala Olive aser ita 15 tain Frankie na sor sülen nungi kanga tagitsü ita kümogo.
Arishi küm 40 tain, Drew Barrymore-i tanur ana asoba sülen tesüiba mapang sadem sadema aliba kecha balaka monungra mali ta ashi.
Arishi küm 20 asüba mapang dang nungi tang tasü taiba ama bilemer asü, ta asüngdangba mapang lai, “Ni arishi küm 20 asüdanga kanga tasüita liasü. Iba mapang nung ni red carpet nunga slipper semersa aden saka tangbo tulu talang semer adener. Tesüiba mapang dang nungi ni tang tagitsü taitba kümogo,” ta langzüa liasü.
Ajisüaka la tanur asoba sülenbo la masü amai kümogo, ta lai ashi.
“Tanur sokaji teti atema melenshir. Na nisung tasen ka amai akümer aser sentongtema khenyongi melenshir. Ibai kanga jangratemtsüka,” ta lai ashi.
’50 First Dates’ film nung tongti shilem agila, Barrymore-i tanur tasembuba agitsü asü magitsü’ar ano melemtet, ta shisem.
Lai, “Ni tang tashibo junga lir. Tanga kechisarena nung shilem agitsü asoshi kishi lapoka dang lir, ajisüaka ni tangbo khen ajem ajema alitsü,” ta In Touch Weekly magazine den jembidang ashi.
“Kü nem tesüiba mapangi meyiba aotsü maongka agütsü nungbo ni agitsü. Ni tesüiba mapang inyakbatem agi nüma medangi mali, saka tang ni aliba yimya ya ni aginer,” ta lai shisem.