Drew Barrymore tebu tanelai khen semdangogo

November 07, 2015: Hollywood actress Drew Barrymore-i, tebu John Barrymore asür tanela agi la khen semdangogo, ta ashi.
Arishi küm 40 tain, Barrymore-i, California nung aliba Joshua Tree National Park nung tebu dena lir amai bilema aser meteta aru, ta ashiba femalfirst.co.uk-i metetdaktsü.
“Joshua Tree National Park nung onoki kübo mitsü yutsü. Pai iba park kanga meima liasü aser ni kodang kidangi odir pa den iba tesem nung mapang endokasa liasü. Anungji onoki pa mitsüji iba tesemi bener ao. Mitsü bener aoba aonung yangji aliba Motel ka nung ni mejang aser anepdang ang mitsüji proktsü sentong liasü. Ni amoa oa aliba mapang ni langka arur amai bilem anungji ni kara saka yipten nung amen. Iba sülen ni ayipba takdang nung aliba kishi pa sasa lapok. Ni yipten nung mener ‘Oba ?’ ta aja,” ta “The Ellen DeGeneres Show” nung Barrymore-i ashi.
“Iba atalokba mapangji kanga balaka aser tamakoktsü kar ataloktsü amai bilemba mapang ka liasü,” ta laisa shisem.