‘Drishyam’ film ajanga sen crore 64.17 aazükogo

August 14, 2015: Ajay Devgan-i shilem agiba thriller drama film rongnung nüburtemi tesaputiba ‘Drishyam’ film ajanga sen crore 64.17 aazükogo.

Iba film ya Nishikant Kamat lenisüba nung yanglu aser film nung tongti shilem agirtemji Ajay Devgan den Tabu aser Shriya Saran nunger lir.

July 31 nü sayaba ‘Drishyam’ film ya Malayalam film ka yanglushiba lir aser film sayar mezüng hopta nungsa sen crore 30.03 aazüka liasü.

Ibala asadanger, Taran Adarsh-i twitter ajanga iba film yagi hopta tanabuba nung aazükaba lemsatepogo. Pai:- [Hopta tanabuba] Hokolbar nü sen Cr2.75, Honibar nü sen Cr 4.05, Deobar nü sen Cr 5.04, Hombar nü sen Cr 1.60, Mongolbar nü sen Cr 1.65, Bhodbar nü sen Cr 1.50 aser Brihostubar nü sen Cr 1.30; ajak agi sen Cr 64.17 aazükogo, ta twitter ajanga lemsatepa liasü.

‘Drishyam’ ya kibong ka nung tebu Vijay Salgaonkar (Ajay) cable operator adoker aser pai cinema kanga jangrar; tebutsü Nandini (Shriya) aser jala ana Anju aser Anu adoker. Tabu-i police IG, Meera Deshmukh ama shilem agia lir.