DRIVER KATI SARASADEMBA

Temeim Tsüngrem, Nai kü nem driver mapa moatsüba asoshi tenüngsang tulu agütsür.

Saka Kibuba, Driver mapasa süaka ozü Saaba driver asütsüba yabo ni asoshibo kangasa tasaka ni!

Kechiba ta süra, ozü Saaba koba tesemi odir oaka, item tesem ajak nung Meem Saheb peria dang yua aliba ni metet, aser Kibuba, Naia meteta lir tu na? Joko ni Meem Saheb shidakba den Saaba Meim Saheb dang teyazü jembiba agi laktetatokogo. Oda ni meem saheb balala tani-i oli,

ano anioktsüli ta senzüdang belemsetatoker aja!

Ya kü kijai dang mebentetka ni…..

Oda ni dang masü, Gari agia dena maremteter masü no! Tatem nung Kibuba,ni nü dang ya mepishir, oda ni ainlen saaba anir jajaba mapang saaba-i nü tsüngdang aser meem saheb shidakba tsüngdang aibelenba temenen mapa agi ni gari anir jaja dang nai kü meji nung danga lendong nungi kümzükang ta mepishir. Ano nia yi mejemibo gari junga maniteterji terabosa ajemtsüsa akümer, anungji onok ajak dang nai aochiang ta mepishir, AMEN.

Lilir : I.Meren Lemtur. Tzüdikong Town.