Drug abuse & illicit Trafficking anogo amung

Dimapur, Aami/June 26 (TYO): 78 Bn CRPF, Zubza, Kohima puri June 26 nü “International Day against Drug abuse and illicit Trafficking” anogo Unit Head quarter, Zubza, Kohima (Nagaland) aser Surender Singh, Commandant-78 Battalion lenisüba kübok Kohima aser Dimapur nung company amenoka aliba tesem nung mungogo.
Iba sentong nung Unit Commandant, Senior Officers, Medical Officer, SOs Jawans aser tanur densema kibongtem-i shilem agiogo koba anti-drug day omen indang posters aser banners nung zülua bener amung.
78 Battalion nungi sepaitemi Unit campus aser temeket tesem tem nung iba sentong ayongzüka munga liasü. Sentong nung Suderson Baniya Chhetri, GDMO, 78 Battalion-i drug abuse dak sendakba nung ajemdaker jembia liasü, pai ashiba agi, ” temesepba mozü ya ozüng alem lir ta asenok ajaki jangjaa lir koba nisung kari ajemer, achir aser inject asür. Temesepba mozü ajanga lanurtem taküm aser lokti raksatsür. Sepaitemi temesepba mozü machitsü aser iba nung khenyongi pilaa alitsü ta ni amanger.” Iba ken o dak sendakba nung film tatsüka recreation room nung unit atema sayua liasü.