Dual Camera aketba Xiaomi Mi 5X sayaogo

July 26, 2017 (Agencies): Xiaomi company ajanga dual camera aketba smarthphone Xiaomi Mi 5X sayaogo. Xiaomi indang tasentiba smartphone ya Xiaomi Mi 6 indang feature den mesüktepa lir. MI 5X nung dual camera setup Mi 6 nung keta aliba den mesüktepa lir. MI 5X nung 12-megapixel + 12-megapixel setup ka angutsü, camera kaji wide-angle lens aser kaji telephoto lens ta keta lir.
China nunger smartphone company ajanga Bodhbarnü Mi 5X sayaogo koba full metal unibody design nung angutsü. Iba phone nung 5.5-inch 1080p display ka keta lir aser 2.5D curved glass kati kümzüka ayur. Mi 5X nung Qualcomm Snapdragon 625 SoC den külemi 4GB RAM aser 64GB internal storage keta lir. Phone indang battery tashiji 3,080 mAh lir aser phone tesülen fingerprint scanner ka den USB Type-C charging keta angutsü. Mi 5X nung OS ji Android Nougat alitsü. Xiaomi company ajanga ashiba agi, Mi 5X indang dual camera setup ya MI 6 nung amshiba den kasa dang amshia lir.
Xiaomi Mi 5X ya China nung RMB 1,499 (sen 14,000) yong sayaogo aser Black, Gold aser Rose Gold sentsü nung angutsü. Iba phone ya Apple indang phone iPhone 7 Plus kanga meseka yanglua lir. Smartphone sayaba dang masü saka Xiaomi puri parnok indang OS MIUI 9 update asüba metetdaktsü. Android Nougat dak amendaker MIUI 9 ajanga app tem kanga keraa lunch sütettsü, ta company ajanga metetdaktsü aser iba beta version ya August 11 nungi angutsü.