Dubai film benjung nung Naseeruddin Shah-a tushitsü

November 30, 2015: Film 200 shi nung shilem agia alisang, actor tejen Naseeruddin Shah nem 12buba Dubai International Film Festival (DIFF) nung ‘Lifetime Achievement Award’ agütsütsü.

“Nüngtugu actor, Naseeruddin Shah nem iba award agütsütsü asoshi kanga nema tanga bilemer. Shah-i film industry nung ajemoker küm 40 tsüngda nung film 200 shi nung shilem agia lir. aa#aZDIFF15a aa#aZmydubai,” ta DIFF indang official Facebook page ajanga lemsatepogo.

DIFF ya December 9 nungi 16 nü tashi amungtsü sentong lir.

Naseeruddin-i tensa ajak den putepa shilem agitetba ajanga film repranger aser jangarar ajaki süngmanga bilemer.

Pai shilem agiba film kar yamai, “Masoom”,”Jaane Bhi Do Yaaro”, “Sparsh”, “Sarfarosh”, “Iqbal”, “A Wednesday”, “The Dirty Picture” aser “Dedh Ishqiya”.

Arishi küm 66 tain, Shah ya National Film Award angur ka lir aser pa Ratna Pathak Shah den kibong aküm. Pa kinungtsü Ratna Pathak Shah-a ajaki akümtsübuba Hindi film actress ka lir.