Dubai-i China den rongsen kettsüng tesentaktep akangshitsü

Dubai, April 24 (Agencies) : Dubai Economic Council (DEC) nung Tongti Tezülur Hani Rashid Al Hamli-i, alima nung rongsen kettsüng tsütsü tashi taiter rongnung jenjang tanabuba nung aliba China linük aser Dubai na rongsen kettsüng tsütsü lenmang aisülen nungi sentaktepa lir, ta ashi.
Al Hamli-i ashiba agi, alima nung UAE-a terenlok aketba lima ka akümtsü aser linük nükjidongtem tonga inyaktettsü mechi, joko iba tesentaktep ya tali tera yanga linük ana lokteper nija aser nüburtem asoshi project tasen tenzüka inyaktsü mapang tongogo.
Al Hamli-i anir Beijing nung China linük ketdangsertem den tarutsü mapanga tang amai amalitepa project aika linük ana lokteper inyaktsü olemtep akaba sülen, Al Hamli-i linük ana tesentaktep tali akhangshitsü atema metetdaktsü.