Dubai Super Series Final: PV Sindhu kokogo; Srikanth-i makok

Dubai, December 13 (Agencies): Tang tasayadak Dubai Super Series Final asaya mezüng anogo nung Olympic silver medallist P V Sindhu-i la mezüngbuba asaya koka asayamung kanga junga tenzükogo. Lai Group A asaya nung China tsür World No. 9 He Bingjiao-i 21-11 16-21 21-18 agi kokogo. Iba asaya ghonda ka ser minute lir asayaa liasü.
Kasa mapang nung teburtem kicha asaya Group B nung World No. 4 Srikanth mezüngbuba asaya nung kanga junga masayateti World No. 1 aser defending champion Viktor Axelsen-i 13-21 17-21 agi straight set nung kokogo. Tena tsüngda minute 38 dang asayaa liasü.
Sindhu taruba asaya Japan tsür Sayaka Sato den asayatsü aser Srikanth Chinese Taipei nunger asayar Chou Tien Chen den asayatsü.