Dubai yimsüser jabaso arishi küm 33 nung süogo

Dubai, September 19 (Agencies): Dubai yimsüser jabaso aser emirate senmang amangtsü alisang, Sheikh Rashid bin Mohammed bin Rashid Al Maktoum arishi küm 33 nung süogo.
United Arab Emirates (UAE) state news agency WAM-i Honibar nü ashiba agi, Sheikh Rashid bin Mohammed bin Rashid Al Maktoum ya temulungjang tashidak agi asü.
Sheikh Rashid ya Sheikh Mohammed bin Rashid Al Maktoum aser kinüngtsü tantsüla, Sheikha Hind bint Maktoum bin Juma Al Maktoum na mezüng jabaso liasü. Dubai ya Sheikh Mohammed-i yimsü asür aser pai yangji Tatong Tir aser Ato Kilonser mapa repa abener.
Asür Sheikh Rashid ya saisapong nung kanga tajung aser kor nung asemtepba nung mongin ka liasü. Teno tanubosang Sheikh Hamdan dang Dubai nung ‘crown prince’ lir.
Jabaso alima nungi pilaba asoshi Dubai nung anogo asem nü mang yima amungtsü tebui sangdongogo.