DUCCF aser GB Union-i Naga Council Dimapur nungiter

Dimapur, Tsüklai/Feb. 25 (TYO): Deobarnü shishilempaba tesemtem shibangja aliba lapoktsütsü asoshi Naga Council Dimapur-i akhangba nung Dimapur Urban Council Chairman Federation (DUCCF) aser GB Union Dimapur natia mulungsoa nungiter, ta DUCCF tir aser GB Union tir nati sangdong ka ajanga metetdaktsü. Naga Council Dimapur ajanga akhangba ya tejangja aser tajung asoshi lir, anungji NSCN (IM)-i angatsü ajungshir, ta lokti tentet ana yagi mepeshia metetdaktsü. Shishilempaba tesem ajunga shibangba ajanga aisü nung timtem ajurur aser revenue tsütsü takoksa jenti alur, ta lokti ana ajangasa shia lir.