DUCCF-i clean election senden agitsü atema anogo apuloktsür

Dimapur, July 11 (TYO): July 10, 2017 nü DUCCF rongdak lokti senden ka amendang urban colony temi clean election senden ayonga agitsü atema mapang apuloktsütsü telemtetba agi.
Tan July ita tsüngda Colony Chairman aser council temi Colony Clean Election Committee tentettsü aser clean election campaign lokti senden ayonga agitsü nenshia metetdaktsür, ta Information & Publicity Secretary, Simon Kelio-i sangdong ka nung ashi.
Iba dak sendakba mapa ya July 31, 2017 anogo nung mesüra matongdangsa agitsüla aser colony shiai August 10, 2017 matongdang DUCCF office nem osang den Colony Clean Election Committee züngsemtem tenüng aser contact numbers agütsütsüla, ta Simon Kelio-isa sangdong nung metetdaktsü.