Dum Laga Ke Haisha ajanga kü taküm melenshitsü: Bhumi Pednekar

Mumbai, February 28 (Agencies): Actress Bhumi Pednekar shiba ‘Dum Laga Ke Haisha’ film nung tetsür temang tulu ka ama shilem agir, lai ashiba agi, iba National Award anguba film ajanga pa taküm melenshitsü. Iba film nung la Sandhya tenüng nung shilem agir.
Dum Laga Ke Haisha sayaba sülen Hombarnü küm ana jungogo. Küm 27 tai actor-i iba film ya la asoshi kanga tongtibang ta ashi.
2015 küm sayaba iba ‘romantic comedy’ film ya tebur ka tenüng agi Prem shiba shilem Ayushmann-i agi pa taküm nung tatalokba dak ajemdaker yanglu. Film nung pa school züngtur anenba nisung ka ama adoker, shibai zünga shia aliba tetsür temang tulu ka den kibong akümtsü asoshi memolungi kibong akümer. Tena film nung asemtepba ka nung shilem agir, koba nung Prem-i Sandhya ponger asemer iba ajanga tesendaktep tajungba akümba otsü ka lir.
Bhumi aser Ayushmann na taruba film Shubh Mangal Saavdhan nung külemi shilem agitsü. Iba film ya Eros International aser Colour Yellow na sentepa produce asütsü aser R.S. Prasanna-i direct asütsü.
Bhumi maneni Akshay Kumar den taruba film ‘Toilet- Ek Prem Katha’ nung shilem agiba angutsü. Iba film June 2 nü sayatsü. Iba film ya temeimteper otsü ka lir. Maneni iba film ya Shree Narayan Singh-i direct asütsü aser Aruna Bhatia, Plan C Studios aser Abundantia nungeri produce asütsü. Akshay aser Bhumi na film nung tang mezüngbuba shilem külemi agir asütsü.