Duncan nung nübotok mapa inyaktsü

Dimapur, July 12 (TYO): Duncan Bosti Council (DBC)-i kiyong nung alirtem aser shishilembar ajak dang July 15, 2017 anepdang 6:00 ako nungi 10:00 ako tashi nüboktoka mapa inyaktsü metetdaktsüogo.
Iba mapang nung gari lenmang tip anatsülen, kilentzü aodak aser pei ki temeket merüktettsüla, iba den külemi DBC telatetba nung aliba ama iba mapang nung dokantem ajak shibanga atatsüla, mesüra senchi alitsü, ta Council Chairman, Roben Tungoe-i sangdong ka nung metetdaktsü.