Duty mapang yi agi meseper alir sorkar doctor ana apu

Shillong (Meghalaya), July 22 (Agencies): Meghalaya yimtiba, Shillong nung aliba Civil Hospital nung duty mapang yi agi meseper aliba atema sorkar doctor ana puogo aser anogo asemnü police ket nung ayutsü tetuyuba agütsüogo, ta osang ka ajanga ashi.
Yakonung hospital nungji doctor anaji shiranger ka den asatepa aliba mapang police-i apu aser tenaji yi agi meseper liasü ta metet, ta Superintendent of Police (city) Vivek Syiem-i ashi.
Hospital-i doctor ajurui aor shirangsang jagia sorkar doctor anaji anema police station nung ken o benokogo, ta paisa ashi.
Iba tatalokba sülen tanü local court kati doctor anaji anogo asemnü police ket nung ayutsü tuyuogo aser iba osang ya health department ketdangsertem nema metetdaktsüogo, ta paisa ashi.