Dwayne ‘The Rock’ Johnson’ indang Skyscraper India nung sayatsü

Aami 28, 2018 (Agencies): Nüngtugu actor Dwayne Johnson indang Skyscraper film ya English, Hindi, Tamil aser Telugu oshi nung Chiteni/July 20 nü India theatre tem nung sayatsü jangjaogo. Universal Pictures International India ajanga iba film sayatsü. Skyscraper film ya Rawson Marshall Thurber-i zülua direct süogo, ta sangdong ka ajanga metetdakja liasü.
Skyscraper film otsü angadangra, taoba FBI Hostage Rescue Team lennir aser US war veteran, Will Sawyer (Johnson) indang asütsü shibai skyscraper tem atema security nem teyari agütsür. Alima nung longki talangtiba ‘The Pearl’ nung security den teyariteper ka inyaktsü atema Will-i pa den külemi par kibong anir China limai aoer. Saka kopi meli aoksadang iba longki nung mi lendong adoker aser taiji Sawyer nem tongloktsür. Tai tonglokja aliyongji Sawyer jenshia senzür, anungji aibelenertem puteta pa tenüng menük nungi jenbutsüji pa mapa, iba denji külemi kidang mi lendong nungi pai par kibong kümzüktsüla.
Johnson den külemi Skyscraper film nung Neve Campbell, Chin Han, Noah Taylor, Roland Moller, Byron Mann, Pablo Schreiber aser Hannah Quinlivan nungeri shilem agir. Iba action thriller film ya Beau Flynn, Johnson, Thurber aser Hiram Garcia nungeri produce süogo.