DWB mozüki amakba atema taidok meshir: Gen. Nicholson

Kunduz, March 22 (Agencies): Afghanistan kübok Kunduz nung tentetba Doctors Without Borders (DWB) mozüki amakba atema taidok meshiba olen ka Afghanistan nung tenzükba US aser North Atlantic Treaty Organization (NATO) mitkar commander tasenba, US mitkar lenir, Gen. John Nicholson-i tanü, Mongolbar nü metetdaktsüogo.

US-i aniba alima teloktep mitkartemi par tayimtsü amshia Kunduz nung tentetba DWB mozüki yaküm, 2015 küm October ita 3 nü amakdang ishiba agi nisung 42 shi tepsetba osang bushiteta lir.

Gen. Nicholson-i Afghanistan anüdoklentip tsütsülen tentetba Kunduz yimti tonga tsüngdong oa par nüburtem den ajurutepdang pai taidok meshiba olenji tanü lemsatepa liasü.

Kunduz nung lendong atalokdakja nisung tepseta aibelener US mitkar züngsemtem nem tapet temerenshi agütsüba osanga jangjaogo.