Dy.CM Patton-i Retd. Addl. Secy. Kithan asüba atema mangyimer

Kohima, Aenjeti/January 13 (TYO): January 12, 2020 nü Dimapur nung C. Y. Kithan, NSS (Retd. Addl. Secretary) asüba atema Nagaland Deputy Chief Minister aser BJP BLP Lenir, Y Patton-i jashia mangyimer, ta tanü Media Cell Dy. CMO sangdong ajanga metetdaktsü.
Patton-i ashiba agi, asür, Kithan ya tebutedi tajung ka liasü aser mapa nungi anisüngzükba mapang tashi pai menden balala nung sorkar tenzüka aruogo; item rongnung 1969 küm nungi 1975 tashi Shillong nung aliba Nagaland House nung OSD inyakdang pai Shillong nung azünger aser yangji alir Naga nunger aika yariogo.
“1993 küm State General Election nung toktepa tamakok nguaka pai maneni tasünü tashi nüburtem tenzüka aruogo,” ta sangdong nung shia lir.
BLP lenirsa, pa asüba ajanga Naga nunger dang len sayur ka aser Tsüngrem lar ka makai Naga nunger akoksar, ta metetdaktsü.
Patton-i mangyimer kibong züngsemtem den mangyim jashi lemsateper aser asür tanela tesünep nung anisüngzüktsü asoshi sarasademtsür, ta kasa sangdong nung shia lir.