Dy.CM Patton-i Union Minister ajuru

New Delhi, July 01 (TYO): Nagaland Deputy Chief Minister aser BJP lenir, Y. Patton-i July 1 nü Minister of States for DoNER (Independent Charge), Dr. Jitendra Singh Parliament House nung pa indang office nung ajuru, ta Media Cell Dy.C.M.O sangong ka nung metetdaktsü.
Patton-i Ato kilonser, Narendra Modi-i aniba NDA sorkar aser MoS for DoNER, Dr. Jitendra Singh-i North East Special Infrastructure Development Scheme- NESIDS atema fund shilem 100% agütsütsü melungba atema apelaba lemsatep.
Deputy CM-isa Police Officers nem quality training agütsütsü atema Nagaland nung Police Officers Training College/Police Academy amenoktsü atema benok. Training College nungji scientific/cybercrimes dak sendakba ken otema bentettsü atema facilities tasentiba amenoktsü.
Patton-i MoS for DoNER dang, ibaji amenokra Nagaland State sorkari state nung officers dang masü saka northeast nung tanga state tem nung Police officers aser IPS officers nema training agütsütettsü, ta shiogo.
Patton-isa MoS for DoNER dang Nagaland nung state of the Art Training College amenoktsü atema yaritsü mepishia liasü.
O alemtepba mapang nung Dy. CM-i MoS for DoNER dang 2017 küm tzüametsüng agi raksatsüba asentenmshia yanglutsü atema Central teyari agütsütsü mepishi.
Yamaji MoS for DoNER-ia akokba tashi state nem teyairi aser senotsü agütsütsü nangzükogo, ta kasa sangdong nung shia alir.