Dy. Kilonser Naqheshe asüba atema GPRN-i mangyimer

Dimapur, Rongjui/September 26 (TYO): Union Territory (UT) kübok Hoito Village nungi Deputy Kilonser, GPRN, Naqheshe Achumi @ N Sema mapang talangka shiranga arur anojungi September 25, 2019 nü asüba atema Government of the People’s Republic of Nagalim (GPRN)-i jashi mangyimer, ta tanü MIP sangdong ka nung metetdaktsü.
“Pa tasünü tashi pai linük meimba tanela agi Naga linük tenzükogo. Pai toktsüba tapokji atsüngtsü tasak asütsü. Pai Naga linük tenzükba atema pa tenüng Naga nunger putiotsü nung züngoktsü aser pai tenlaba mapa tajungtemji teti bilemtettsü,” ta kasa sangdong nung shia lir.
“Iba ama mangyim mapang nung GPRN-i mangyimer kibong züngsemtem den mangyim jashi lemsateper aser Tsüngremi asür tanela tatem maka tesünep nung anisüngzükdakjang ta sarasademtsür,” ta kasa sangdong ajanga lemsatep.