Dy Speaker Imtikumzuk nem IPR Parliamentary Secretary lemzüktsü

Kohima, April 1 (TYO) : Honibarnü Chief Minister Dr Shurhozelie Liezietsu-i Nagaland Legislative Assembly nung Deputy Speaker, Imtikumzuk nem Parliamentary Secretary inyaktsü atema tenangzükba agidaktsüogo.
Imtikumzuk ya tang State Assembly nung mezüngbuba züngsem ka lir aser 2013 general election nung 26-Aonglenden Assembly Constituency nungi Congress ticket nung takok angu. Pa Mokokchung district kübok Ungma yimtsüng nungi lir.
February 2015 nung Vote of Confidence alidang 12th NLA nung Congress MLA 8 pronglai taoba Chief Minister T R Zeliang pusema nungit aser July 21, 2015 nü NPF-i aniba DAN sorkari Imtikumzuk nem NLA Deputy Speaker menden agütsü. Iba sülen, 2015 November ita Congress MLA 8 prongla NPF nung aden.
State Assembly nung tang tesüsa agiba Budget session nunga Imtikumzuk-i March 21 nü senden ketdangsüa agia Speaker tasen shim.
Ajisüaka, tanü Chief Minister Dr Liezietsu-i pa nem Information and Public Relations Department (IPR) nung Parliamentary Secretary inyaktsü atema mapa nungloktsüogo.
Tanü Civil Secretariat nung Cabinet senden ka amenba sülen Chief Minister Dr Shurhozelie-i Imtikumzuk nem Parliamentary Secretary inyaktsü tenangzükba agidaktsü.
Imtikumzuk-i toktsüba sülen tang NLA Deputy Speaker indang menden tazüng kümogo.