Dzukou reprangi arur 4 kümzük

Kohima, Aami (June) 8 (TYO): Nagaland State Disaster Management Authority (NSDMA)-i Kohima district Dzukou lenden nungi len samar tourist pezü kümzükogo.
NSDMA atema Officer on Special Duty, Johnny Ruangmei-i ashiba agi, Assam nung Golaghat Commerce College nungi tourist pezü Aami (June) 5, 2018 nü Dzukou lenden reprangi atu saka yashi Jakhama ajanga meyipa arudang lenmang sama.
Iba osangji yashi nikongtsütsü angashiba sülen Kohima District Disaster Management Authority-i geo-tech ajanga parnok den tongtepratep sütet aser züngsem 8 agi akümba ‘search and rescue team’ ka yok, ta Johnny-i ashi.
Parnoki ghonda 4 shi bushitepa aoba sülen tatem nung yasüng ayaterm meta arem nung tourist pezüji nguteta kümzük, ta paisa shisem.
Tourist pezüji Arpan Saikia (22), Sonu Das (23), Himanshu Dutta (22) aser Rahul Dhar (23) nungertem lir ta jangjaogo.