E-roll asoshi Kohima DC-i senden ayonger

Dimapur, Tsüklai/February 6 (TYO): Kohima Deputy Commissioner aser District Election Officer-i, sangdong ka ajanga Kohima District kübok AERO ajak aser BJP/DCC/NDPP/NPF Kohima District tir tem dang photo electoral roll tatembangbuba sangdongtsü aliba dak sendakba nung February 7, 2020 nü anepdang 10:00 ako nungi tenzüka Deputy Commissioner aser District Election Officer, Kohima Office Chamber nung mensem ka amentsü ta metetdaktsüogo.
Final Roll (hard aser soft copies) Copy tem state kübok züngoksema aliba political party lenirtem aser AERO tem nem senden nung lema agütsütsü. Senden dak sendaka aliba kija aser lokti ajak dang senden nung tamakok maludaktsüi arua adentsü asoshi DC-isa mepeshia metetdaktsüogo.